ARAGÓN, con mayusclas

Spread the love

Marco Negredo, secretario de Cultura e Identidad de Chunta Aragonesista

Ciudadanos anunzió que iba a preguntar en siede parlamentaria por o lamentable comportamiento d’o consellero Soro, entre que sonaba l’himno d’España en a zelebrazión instituzional d’o día d’Aragón. Seguntes insisten, José Luis Soro no alzó o respeto que merexe l’himno d’o estau español, actuando con desdén, cruzando os brazos y chirando a uellada con disprezio.

Dengún d’a dreita en Aragón critica que VOX, por exemplo, quiera suprimir, u acotolar, as comunidaz autonomas. Continamos veyendo conzellos an solamén s’alza a bandera española cuan, por lei, ye obligatoria que siga acompañada d’a d’Aragón y a europea. Tampoco chitan o grito ta criticar que agún veigamos en lugars d’o nuestro país, Aragón, símbolos franquistas y falanchistas agún a risgo de no poder rezibir subvenzions por incomplimiento d’a Lei de Memoria Democratica d’Aragón.

Aragón tamién tiene himno. Sonó, por obligazión y por tanto con menos protagonismo, ya que , a Lei 3/1989, de 21 d’abril reguló a utilizazión d’a suya Himno ofizial, como un d’os símbolos identificativos d’Aragón. L’articlo 2 d’a zitada lei diz que l’Himno d’Aragón ha d’estar interpretau en aquels autos ofizials de caracter publico y espezial significazión organizaus por a Comunidat Autonoma y por as entidaz locals aragonesas.

A mosica ye d’o compositor turolense Antón García Abril y a letra estió elaborada por os poetas aragoneses Ildefonso Manuel Gil, Ángel Guinda, Rosendo Tello y Manuel Vilas y destaca dentro d’o suyo tarabidau poetica, valors como libertat, chustizia, razón, verdat u tierra ubierta, que istoricamén represientan a esprisión d’Aragón como lugar.

Soro no cometió garra carada, se metió en piet como ordena o protocolo. Que no fese a riseta de felizidat y se cruzase de brazos en cuenta de meter a mano sobre o suyo peito, no indica irrespetuosidad. O Consellero solamén amostró o suyo disconformidad a que sone un himno que pon ha de veyer con l’auto como, por exemplo, no sona lo d’Europa en autos ofizials de caracter publico organizaus por o Gubierno d’España. José Luis Soro, CHA como partiu, defiende, y lo contrimostró con a suya autitut, ARAGÓN, con mayusclas.